VEERPASLI ANE ANYA VARTAO

અહીં મૂકાયેલી તમામ વાર્તાઓ ‘કોઈક દિવ્યશક્તિએ આપી, અને મારા મને ઝીલી’ એવી અલૌકિક અનુભૂતિ હંમેશા થઈ છે. ક્યારેક રસ્તા પર જતા, ક્યારેક ઘરકામ કરતા તો ક્યારેક હિંચકા પર બેઠા બેઠા ઓચિંતા જ વાર્તા ઝીલાઈ જતી – જે તરત લખવાનું સંભવ ના હોય તેવું બનતું પણ મારા મને બધી જ કૃતિઓ વર્ષો સુધી અકબંધ સાચવી છે. જાણે કે એની પાસે એક તિજોરી છે જેમાં દરેક વાર્તાનું અલગ ખાનું છે. જ્યારે જે વાર્તા લખવાની શરૂ કરી ત્યારે તે મારી કલમમાં આવીને બેઠી છે. લગભગ પંદર વર્ષનાં વ્યાપ દરમિયાન લખાયેલી છે આ વાર્તાઓ.