DREAM CINEMASCOPE

‘ડ્રીમ સિનેમાસ્કોપ’ નવલકથાનું કથાબીજ લગભગ 20 વર્ષ પહેલાં ઊગેલું અને એ વખતે એનું નામ પાડેલું ‘ઇન્ટરવલ’. કારણ એ હતું કે નવલકથાની વાર્તા મુજબ નવલકથામાં બરાબર અધવચ્ચે ફ્રેન્ચ ફિલ્મ જેવો રોમાંચક ટ્વિસ્ટ આવે છે. ને પછી આખી નવલકથા નવો આંચકાદાયક વળાંક લે છે. હું અધવચ્ચે જ અટકી ગયો. નવલકથા કેમેય આગળ વધે જ નહીં. પછી તો હુંય પત્રકારત્વમાં ખૂંપી ગયો ને ઇન્ટરવલ' નવલકથા વિસરાઈ ગઈ...એક રાતે એક ઝબકારો થયો.

ઇન્ટ૨વલ પછી શું એનો રસ્તો મળી ગયો ને ‘ડ્રીમ સિનેમાસ્કોપ’ને નામે નવલકથા આકાર પામી.

‘ડ્રીમ સિનેમાસ્કોપ’માં ફિલ્મકલાકાર બનવા મુંબઈ આવેલા એક રંગકર્મીની વાત છે. સુપરસ્ટાર બનવા સુધીની સ૨ળ લાગતી આ મર્ડર મિસ્ટરી થ્રિલર, પળે પળે આંચકા આપે છે અને મધ્યાંતરે વાચકોને એક જબરજસ્ત ઝટકો મળે છે. આ રહસ્યમય કથામાં પછી શું થાય છે એ જાણવું હોય તો ‘ડ્રીમ સિનેમાસ્કોપ’ વાંચવી રહી. એમાંય રંગભૂમિ અને ફિલ્મોના ઉભરતા કલાકારોએ તો ખાસ.