CUTOFF JINDAGI

કોરોના શબ્દ કાને પડતાં જ થથરી જવાય... મરી મરીને જીવાયેલી એ પળોને શબ્દોમાં ઢાળીને એને ફરી જીવતી ક૨વાનો નિર્ણય અઘરો હતો.... સાહસ પણ હતું. લખું કે ન લખુંની અવઢવ વચ્ચે કોરોનાનો એ કાળ આથમી ગયો. ભયનો ઓછાયો ઢળી પડ્યો. જીવન ધબકવા લાગ્યું. આપણા ચહેરા પરથી માસ્કની સાથે સાથે ભય પણ ઊતરી ગયો. ચહેરાઓ ૫૨ સ્મિત ફરકવા લાગ્યું. મને થયું આ જ જીવન છે. અને એક પોઝિટિવ એન્ગલથી લખવા માટે કલમ ઉપાડી અને અવતરી નવલકથા ‘કટઑફ જિંદગી’.

‘કટઑફ જિંદગી'માં થીજી ગયેલી પળમાં ફફડતા જીવની વાત છે. જિજીવિષાની સંવેદનશીલ તડપ છે. ભડભડતી ચિંતાઓ અને કકળતી આંતરડીઓની વ્યથા છે. શ્રદ્ધા અને અ-શ્રદ્ધા વચ્ચેની કશ્મકશ છે. આંખોથી સ્પર્શતા પ્રેમની ગાથા છે. ફ૨જ૫૨સ્તીની પરાકાષ્ઠા છે. શ્રદ્ધા અને આસ્થાની પ્રસરતી સુગંધ છે. દોસ્તીની દાસ્તાન છે. ૨સ અકબંધ રહે એ માટે થોડું સસ્પેન્સ છે, એટલે કહાનીનો નાનકડો અંશ પણ જણાવીશ તો મજા બગડી જશે. વાંચો, આપણી સૌની કહાની.